ਟੀਵੀ ਸੀਰੀਅਲ ਵਾਲੇ ਰਾਮ, ਲਕਸ਼ਮਣ ਅਤੇ ਸੀਤਾ ਜਦੋਂ ਅਯੁੱਧਿਆ ਦੀਆਂ ਸੜਕਾਂ ‘ਤੇ ਨਿਕਲੇ 

ਨਵੀਂ ਦਿੱਲੀ : ਰਾਮਾਨੰਦ ਸਾਗਰ ਦੀ ਫਿਲਮ ‘ਰਾਮਾਇਣ’ ‘ਚ ਰਾਮ, ਸੀਤਾ ਅਤੇ ਲਕਸ਼ਮਣ ਦਾ ਕਿਰਦਾਰ ਨਿਭਾਉਣ ਵਾਲੇ ਅਦਾਕਾਰ ਅਰੁਣ ਗੋਵਿਲ, ਸੁਨੀਲ ਲਹਿਰੀ ਅਤੇ ਦੀਪਿਕਾ ਚਿਖਲੀਆ ਅਯੁੱਧਿਆ ਪਹੁੰਚ ਗਏ ਹਨ। ਸੋਸ਼ਲ ਮੀਡੀਆ ‘ਤੇ ਇਕ ਵੀਡੀਓ ਸਾਹਮਣੇ ਆਈ ਹੈ ਜਿਸ ‘ਚ ਇਹ ਤਿੰਨੇ ਦਿੱਗਜ ਸਿਤਾਰੇ ਸੜਕ ‘ਤੇ ਘੁੰਮਦੇ ਹੋਏ ਨਜ਼ਰ ਆ ਰਹੇ ਹਨ। ਉਸ ਦੇ ਪਿੱਛੇ ਅਣਗਿਣਤ ਲੋਕਾਂ ਦੀ ਭੀੜ ਹੈ ਜੋ ਨਾਅਰੇ ਲਾਉਂਦੇ ਹੋਏ ਤੁਰ ਰਹੇ ਹਨ। ਸੁਰੱਖਿਆ ਘੇਰਾ ਲੋਕਾਂ ਨੂੰ ਤਿੰਨ ਦਿੱਗਜ ਸਿਤਾਰਿਆਂ ਤੋਂ ਦੂਰ ਰੱਖਣ ਦੀ ਪੂਰੀ ਕੋਸ਼ਿਸ਼ ਕਰ ਰਿਹਾ ਹੈ।

ਜਦਕਿ ਅਰੁਣ ਗੋਵਿਲ ਅਤੇ ਸੁਨੀਲ ਲਹਿਰੀ ਨੇ ਪੀਲੇ ਰੰਗ ਦਾ ਕੁੜਤਾ ਪਜਾਮਾ ਪਾਇਆ ਹੋਇਆ ਹੈ, ਤਾਂ ਦੀਪਿਕਾ ਚਿਖਲੀਆ ਲਾਲ ਰੰਗ ਦੀ ਸਾੜੀ ਵਿੱਚ ਨਜ਼ਰ ਆ ਰਹੀ ਹੈ। ਲੰਬੇ ਸਮੇਂ ਤੋਂ ਬਾਅਦ ਇਹ ਤਿੰਨੋਂ ਸਿਤਾਰੇ ਉਸੇ ਦੌਰ ਨੂੰ ਜੀਉਂਦੇ ਹੋਏ ਨਜ਼ਰ ਆ ਰਹੇ ਹਨ, ਜਿਸ ਦੌਰ ‘ਰਾਮਾਇਣ’ ਦੇ ਸੁਪਰਹਿੱਟ ਹੋਣ ਤੋਂ ਬਾਅਦ ਉਹ 90 ਦੇ ਦਹਾਕੇ ‘ਚ ਰਹਿੰਦੇ ਸਨ। ਇਸ ਵੀਡੀਓ ‘ਤੇ ਇਕ ਸੋਸ਼ਲ ਮੀਡੀਆ ਯੂਜ਼ਰ ਨੇ ਲਿਖਿਆ- ਰਾਮ, ਲਕਸ਼ਮਣ ਅਤੇ ਸੀਤਾ ਅਯੁੱਧਿਆ ਵਾਪਸ ਆ ਗਏ ਹਨ।