ਮੋਹਾਲੀ ‘ਚ ਪੁਲਿਸ ਤੇ ਗੈਂਗਸਟਰਾਂ ਵਿਚਾਲੇ ਚੱਲੀਆਂ ਗੋਲੀਆਂ
Jalandhar : ਵਪਾਰੀ ਤੋਂ 7.50 ਲੱਖ ਦੀ ਲੁੱਟ
February 16, 2024 9:47 am
ਜਲੰਧਰ : ਪੰਜਾਬ ਦੇ ਜਲੰਧਰ ਦੀ ਮਕਸੂਦਾ ਸਬਜ਼ੀ ਮੰਡੀ ‘ਚ ਇਕ ਵਪਾਰੀ ਤੋਂ ਕਰੀਬ 7.5 ਲੱਖ ਰੁਪਏ ਤੇਜ਼ਧਾਰ ਹਥਿਆਰਾਂ ਦੀ ਮਦਦ ਨਾਲ ਲੁੱਟ ਲਏ ਗਏ। ਇਹ ਘਟਨਾ ਵੀਰਵਾਰ ਅੱਧੀ ਰਾਤ ਕਰੀਬ 12 ਵਜੇ ਮਕਸੂਦਾਂ ਸਬਜ਼ੀ ਮੰਡੀ ਦੀ ਟਾਈਗਰ ਏਜੰਸੀ ਦੇ ਮਾਲਕ ਨਾਲ ਵਾਪਰੀ। ਘਟਨਾ ਦੀ ਸੂਚਨਾ ਮਿਲਦੇ ਹੀ ਥਾਣਾ ਡਵੀਜ਼ਨ ਨੰਬਰ 1 ਦੀ Police ਮੌਕੇ ‘ਤੇ ਪਹੁੰਚ ਕੇ ਜਾਂਚ ਕੀਤੀ। ਪੁਲੀਸ ਨੇ ਦੇਰ ਰਾਤ ਵਪਾਰੀ ਦੇ ਬਿਆਨ ਦਰਜ ਕਰ ਲਏ ਸਨ।
ਟਾਈਗਰ ਏਜੰਸੀ ਦੇ ਮਾਲਕ ਵਿੱਕੀ ਨੇ ਦੱਸਿਆ ਕਿ ਹਰ ਰੋਜ਼ ਏਜੰਸੀ ਰਾਤ 11 ਵਜੇ ਬੰਦ ਹੋ ਜਾਂਦੀ ਹੈ। ਪਰ ਵੀਰਵਾਰ ਨੂੰ ਭਾਰੀ ਕੰਮ ਹੋਣ ਕਾਰਨ ਕਾਫੀ ਦੇਰੀ ਹੋਈ। ਰਾਤ ਕਰੀਬ 12 ਵਜੇ ਵਿੱਕੀ ਆਪਣੀ ਦੁਕਾਨ ਤੋਂ ਕਰੀਬ 20 ਕਦਮ ਦੀ ਦੂਰੀ ‘ਤੇ ਆਪਣੀ ਐਂਡੇਵਰ ਕਾਰ ‘ਚ ਬੈਠਣ ਲੱਗਾ।
ਇਸੇ ਦੌਰਾਨ ਇਕ ਨੌਜਵਾਨ ਉਸ ਦੇ ਕੋਲ ਆ ਕੇ ਖੜ੍ਹਾ ਹੋ ਗਿਆ। ਵਿੱਕੀ ਨੇ ਦੱਸਿਆ ਕਿ ਪਹਿਲਾਂ ਤਾਂ ਅਜਿਹਾ ਲੱਗ ਰਿਹਾ ਸੀ ਕਿ ਉਕਤ ਲੜਕਾ ਉਸ ਦਾ ਜਾਣਕਾਰ ਸੀ। ਪਰ ਫਿਰ ਅਚਾਨਕ ਉਸ ਨੇ ਆਪਣੇ ਪਾਸਿਓਂ ਤੇਜ਼ਧਾਰ ਹਥਿਆਰ ਕੱਢ ਕੇ ਹਮਲਾ ਕਰਨ ਦੀਆਂ ਧਮਕੀਆਂ ਦੇਣੀਆਂ ਸ਼ੁਰੂ ਕਰ ਦਿੱਤੀਆਂ, ਇਸ ਤੋਂ ਬਾਅਦ ਤਿੰਨ ਹੋਰ ਸਾਥੀ ਵੀ ਆ ਗਏ ਅਤੇ ਕਾਰ ਅੰਦਰ ਪਿਆ ਪੈਸਿਆਂ ਵਾਲਾ ਬੈਗ ਲੈ ਕੇ ਭੱਜ ਗਏ। ਬੈਗ ਵਿੱਚ ਕਰੀਬ 7.5 ਲੱਖ ਰੁਪਏ ਨਕਦ, ਮੋਬਾਈਲ ਫ਼ੋਨ ਅਤੇ ਏਜੰਸੀ ਦੀਆਂ ਕੁਝ ਚਾਬੀਆਂ ਸਨ।
