ਲਸਣ ਦੀ ਰਾਖੀ ਲਈ ਚੁੱਕ ਲਈਆਂ ਬੰਦੂਕਾਂ, ਲਾ ਦਿੱਤੇ ਕੈਮਰੇ

ਕਈ ਕਿਸਾਨਾਂ ਨੇ ਦਾਅਵਾ ਕੀਤਾ ਹੈ ਕਿ ਸੂਬੇ ਵਿੱਚ ਲਸਣ ਦੀ ਕੀਮਤ ਪ੍ਰਚੂਨ ਮੰਡੀ ਵਿੱਚ 400 ਰੁਪਏ ਪ੍ਰਤੀ ਕਿਲੋਗ੍ਰਾਮ ਨੂੰ ਪਾਰ ਕਰ ਗਈ ਹੈ, ਜਦੋਂ ਕਿ ਥੋਕ ਮੰਡੀਆਂ ਵਿੱਚ ਇਸ ਦਾ ਰੇਟ 30,000 ਤੋਂ 35,000 ਰੁਪਏ ਪ੍ਰਤੀ ਕੁਇੰਟਲ ਹੈ।

ਉਜੈਨ : ਹੁਣ ਤੱਕ ਤੁਸੀਂ ਗਹਿਣਿਆਂ ਦੀਆਂ ਦੁਕਾਨਾਂ ਜਾਂ ਬੈਂਕਾਂ ਦੀ ਰਾਖੀ ਕਰਦੇ ਬੰਦੂਕਧਾਰੀ ਗਾਰਡ ਦੇਖੇ ਹੋਣਗੇ। ਪਰ ਕੀ ਤੁਸੀਂ ਖੇਤਾਂ ਵਿੱਚ ਅਜਿਹਾ ਨਜ਼ਾਰਾ ਦੇਖਿਆ ਹੈ? ਤੁਹਾਨੂੰ ਇਹ ਸਵਾਲ ਥੋੜ੍ਹਾ ਅਜੀਬ ਲੱਗੇਗਾ ਪਰ ਮੱਧ ਪ੍ਰਦੇਸ਼ ਵਿੱਚ ਕੁਝ ਅਜਿਹਾ ਹੀ ਹੋ ਰਿਹਾ ਹੈ। ਕਾਰਨ ਇੱਥੇ ਲਸਣ ਦੀਆਂ ਅਸਮਾਨ ਛੂਹ ਰਹੀਆਂ ਕੀਮਤਾਂ ਹਨ। ਸੂਬੇ ਵਿੱਚ ਲਸਣ ਦੀ ਕੀਮਤ ਇੰਨੀ ਵੱਧ ਗਈ ਹੈ ਕਿ ਹੁਣ ਕਿਸਾਨਾਂ ਨੂੰ ਆਪਣੇ ਖੇਤਾਂ ਵਿੱਚ ਪਹਿਰਾ ਦੇਣ ਲਈ ਬੰਦੂਕਧਾਰੀ ਗਾਰਡ ਅਤੇ ਸੀਸੀਟੀਵੀ ਕੈਮਰੇ ਲਾਉਣੇ ਪੈ ਰਹੇ ਹਨ।

ਕਈ ਕਿਸਾਨਾਂ ਨੇ ਦਾਅਵਾ ਕੀਤਾ ਹੈ ਕਿ ਸੂਬੇ ਵਿੱਚ ਲਸਣ ਦੀ ਕੀਮਤ ਪ੍ਰਚੂਨ ਮੰਡੀ ਵਿੱਚ 400 ਰੁਪਏ ਪ੍ਰਤੀ ਕਿਲੋਗ੍ਰਾਮ ਨੂੰ ਪਾਰ ਕਰ ਗਈ ਹੈ, ਜਦੋਂ ਕਿ ਥੋਕ ਮੰਡੀਆਂ ਵਿੱਚ ਇਸ ਦਾ ਰੇਟ 30,000 ਤੋਂ 35,000 ਰੁਪਏ ਪ੍ਰਤੀ ਕੁਇੰਟਲ ਹੈ।

ਜ਼ਿਲਾ ਹੈੱਡਕੁਆਰਟਰ ਤੋਂ ਕਰੀਬ 12 ਕਿਲੋਮੀਟਰ ਦੂਰ ਉਜੈਨ ਦੇ ਚਿੰਤਾਮਨ ਰੋਡ ‘ਤੇ ਮੰਗਰੋਲਾ ਪਿੰਡ ‘ਚ ਸੁਰੱਖਿਆ ਗਾਰਡ ਅਤੇ ਕਿਸਾਨ ਬੰਦੂਕਾਂ ਲੈ ਕੇ ਫਸਲਾਂ ਨਾਲ ਭਰੇ ਖੇਤਾਂ ‘ਚ ਘੁੰਮਦੇ ਦੇਖੇ ਗਏ। ਬਹੁਤ ਸਾਰੇ ਖੁਸ਼ਹਾਲ ਕਿਸਾਨਾਂ ਨੇ ਸੀਸੀਟੀਵੀ ਲਗਾਏ ਹੋਏ ਹਨ ਅਤੇ ਮੋਨੀਟਰਾਂ ‘ਤੇ ਆਪਣੇ ਖੇਤਾਂ ਦੀ ਨਿਗਰਾਨੀ ਕਰ ਰਹੇ ਹਨ। ਕਿਸਾਨ ਭਰਤ ਸਿੰਘ ਬੈਸ ਨੇ ਦੱਸਿਆ ਕਿ ਚੋਰ ਕਈ ਕਿਸਾਨਾਂ ਦੀ ਫ਼ਸਲ ਚੋਰੀ ਕਰਕੇ ਲੈ ਗਏ ਹਨ। ਇਸ ਲਈ ਹੁਣ ਉਹ ਆਪਣੀ 13 ਵਿੱਘੇ ਜ਼ਮੀਨ ਦੀ ਰਾਖੀ ਕਰ ਰਿਹਾ ਹੈ, ਜਿਸ ‘ਤੇ ਉਸ ਨੇ ਲਸਣ ਦੀ ਬਿਜਾਈ ਕੀਤੀ ਹੈ।

ਬਿਆਸ ਨੇ ਕਿਹਾ ਕਿ ਸਾਨੂੰ ਪਿਛਲੇ ਦੋ ਸਾਲਾਂ ਤੋਂ ਲਸਣ ਦੀ ਖੇਤੀ ਵਿੱਚ ਭਾਰੀ ਨੁਕਸਾਨ ਝੱਲਣਾ ਪਿਆ ਸੀ, ਪਰ ਇਸ ਸਾਲ ਕਿਸਮਤ ਸਾਡੇ ਨਾਲ ਹੈ। ਕਿਸਾਨਾਂ ਨੂੰ ਫਸਲ ਦਾ 200 ਰੁਪਏ ਪ੍ਰਤੀ ਕਿਲੋ ਭਾਅ ਮਿਲ ਰਿਹਾ ਹੈ। ਸਾਡੀ ਲਸਣ ਦੀ ਫਸਲ ਅਗਲੇ 15 ਦਿਨਾਂ ਵਿੱਚ ਪੱਕ ਜਾਵੇਗੀ ਇਸ ਲਈ ਅਸੀਂ ਆਪਣੇ ਖੇਤ ਦੀ ਇਸ ਤਰ੍ਹਾਂ ਰਾਖੀ ਕਰ ਰਹੇ ਹਾਂ।

ਭੋਪਾਲ ਦੇ ਸਬਜ਼ੀ ਵਪਾਰੀ ਮੁਹੰਮਦ ਸਲੀਮ, ਜੋ ਕਿ ਏ.ਕੇ.ਐਸ. ਕੰਪਨੀ ਚਲਾਉਂਦੇ ਹਨ, ਨੇ ਕਿਹਾ ਕਿ ਉਸਨੇ ਕਦੇ ਵੀ ਲਸਣ ਦੀਆਂ ਕੀਮਤਾਂ ਇਸ ਪੱਧਰ ਤੱਕ ਪਹੁੰਚਦੇ ਨਹੀਂ ਦੇਖੇ ਹਨ।’ਚੰਗੀ ਕੁਆਲਿਟੀ ਦੇ ਲਸਣ ਦੀ ਥੋਕ ਮੰਡੀ ਵਿੱਚ ਕੀਮਤ 200 ਰੁਪਏ ਪ੍ਰਤੀ ਕਿਲੋ ਹੈ।ਸਲੀਮ ਨੇ ਕਿਹਾ, ਮੱਧ ਪ੍ਰਦੇਸ਼ ਵਿੱਚ ਹਰ ਰੋਜ਼ ਥੋਕ ਕੀਮਤਾਂ ਵਿੱਚ ਉਤਰਾਅ-ਚੜ੍ਹਾਅ ਆ ਰਿਹਾ ਹੈ।