ਐਲੋਨ ਮਸਕ ਦੀ ਕਮਾਈ ਨੇ ਤੋੜੇ ਰਿਕਾਰਡ, ਅੰਬਾਨੀ ਨੂੰ ਛੱਡਿਆ ਪਿੱਛੇ

ਨਵੀਂ ਦਿੱਲੀ : ਬਲੂਮਬਰਗ ਬਿਲੀਨੇਅਰਸ ਇੰਡੈਕਸ ਦੇ ਅਨੁਸਾਰ, ਐਲੋਨ ਮਸਕ ਦੀ ਕੁੱਲ ਦੌਲਤ ਹੁਣ 239 ਬਿਲੀਅਨ ਡਾਲਰ ਹੈ। ਇਸ ਸਾਲ ਇਕੱਲੇ 101 ਅਰਬ ਡਾਲਰ ਦਾ ਵਾਧਾ ਹੋਇਆ ਹੈ। ਜੇਕਰ ਅਸੀਂ ਇਸ ਨੂੰ 83.27 ਰੁਪਏ ਪ੍ਰਤੀ ਡਾਲਰ ਦੀ ਦਰ ਨਾਲ ਦੇਖੀਏ ਤਾਂ ਇਹ ਰਕਮ 84,10,27,00,00,000 ਕਰੋੜ ਰੁਪਏ ਬਣਦੀ ਹੈ। ਜੇਕਰ ਅਸੀਂ ਇਸਨੂੰ 361 ਨਾਲ ਭਾਗ ਕਰੀਏ ਤਾਂ ਇਹ ਰਕਮ 23,29,71,46,814 ਰੁਪਏ ਹੋਵੇਗੀ। ਭਾਵ, ਪਿਛਲੇ ਸਾਲ ਮਸਕ ਨੇ ਹਰ ਰੋਜ਼ ਔਸਤਨ 23.29 ਅਰਬ ਰੁਪਏ ਆਪਣੀ ਸੰਪੱਤੀ ਵਿੱਚ ਜੋੜਿਆ। ਜੇਕਰ ਅਸੀਂ ਇਸ ਨੂੰ ਘੰਟਾਵਾਰ ਦੇਖੀਏ, ਤਾਂ ਐਲੋਨ ਮਸਕ ਨੇ 2023 ਵਿੱਚ ਹਰ ਘੰਟੇ 97,07,14,450.60 ਰੁਪਏ ਕਮਾਏ। ਯਾਨੀ ਹਰ ਮਿੰਟ ਮਸਕ ਦੀ ਦੌਲਤ ‘ਚ 1,61,78,574.17 ਰੁਪਏ ਦਾ ਵਾਧਾ ਹੋਇਆ ਹੈ।

ਦਰਅਸਲ ਦੁਨੀਆ ਦੇ ਸਭ ਤੋਂ ਅਮੀਰ ਵਿਅਕਤੀ ਐਲੋਨ ਮਸਕ ਨੇ ਇਸ ਸਾਲ ਹੁਣ ਤੱਕ 101 ਬਿਲੀਅਨ ਡਾਲਰ ਦੀ ਕਮਾਈ ਕੀਤੀ ਹੈ। ਮਸਕ ਦੀ ਕੁੱਲ ਜਾਇਦਾਦ ਹੁਣ 238 ਬਿਲੀਅਨ ਡਾਲਰ ਤੱਕ ਪਹੁੰਚ ਗਈ ਹੈ। ਇਸ ਸਾਲ ਹੁਣ ਤੱਕ ਮਸਕ ਨੇ 361 ਦਿਨਾਂ ‘ਚ 8,41,11,43,650 ਰੁਪਏ ਕਮਾ ਲਏ ਹਨ। ਉਸ ਦੀ ਹਰ ਘੰਟੇ ਦੀ ਕਮਾਈ ਭਾਰਤੀ ਰੁਪਏ ਵਿੱਚ ਲਗਭਗ 100 ਕਰੋੜ ਰੁਪਏ ਹੈ। ਦੂਜੇ ਪਾਸੇ ਏਸ਼ੀਆ ਦੇ ਸਭ ਤੋਂ ਅਮੀਰ ਉਦਯੋਗਪਤੀ ਮੁਕੇਸ਼ ਅੰਬਾਨੀ ਨੇ ਹਰ ਘੰਟੇ ਆਪਣੀ ਦੌਲਤ ਵਿੱਚ 8,80 ਕਰੋੜ ਰੁਪਏ ਦਾ ਵਾਧਾ ਕੀਤਾ ਹੈ।