ਮੋਹਾਲੀ ‘ਚ ਪੁਲਿਸ ਤੇ ਗੈਂਗਸਟਰਾਂ ਵਿਚਾਲੇ ਚੱਲੀਆਂ ਗੋਲੀਆਂ
WTC 2025 points table Latest Update : ਭਾਰਤ ਨੂੰ ਮਿਲਿਆ ਨੰਬਰ-1 ਦਾ ਤਾਜ
March 3, 2024 8:36 am
ਆਈਸੀਸੀ ਵਿਸ਼ਵ ਟੈਸਟ ਚੈਂਪੀਅਨਸ਼ਿਪ (ਡਬਲਯੂਟੀਸੀ) 2023-25 ਦੀ ਪੁਆਇੰਟ ਟੇਬਲ ਵਿੱਚ ਭਾਰਤ ਨੂੰ ਇੱਕ ਵਾਰ ਫਿਰ ਨੰਬਰ-1 ਦਾ ਤਾਜ ਮਿਲਿਆ ਹੈ।ਨਿਊਜ਼ੀਲੈਂਡ ਦੀ ਹਾਰ ਕਾਰਨ ਰੋਹਿਤ ਸ਼ਰਮਾ ਅਤੇ ਬ੍ਰਿਗੇਡ ਨੇ ਇਕ ਵਾਰ ਫਿਰ ਪਹਿਲਾ ਸਥਾਨ ਹਾਸਲ ਕੀਤਾ।ਵੈਲਿੰਗਟਨ ‘ਚ ਨਿਊਜ਼ੀਲੈਂਡ ਅਤੇ ਆਸਟ੍ਰੇਲੀਆ ਵਿਚਾਲੇ ਦੋ ਮੈਚਾਂ ਦੀ ਟੈਸਟ ਸੀਰੀਜ਼ ਦਾ ਪਹਿਲਾ ਮੈਚ ਖੇਡਿਆ ਗਿਆ, ਇਸ ਮੈਚ ‘ਚ ਮੇਜ਼ਬਾਨ ਟੀਮ 172 ਦੌੜਾਂ ਨਾਲ ਹਾਰ ਗਈ।ਮੈਚ ਹਾਰਨ ਦੇ ਨਾਲ ਹੀ ਨਿਊਜ਼ੀਲੈਂਡ ਦੀ ਟੀਮ WTC ਪੁਆਇੰਟ ਟੇਬਲ ‘ਚ ਨੰਬਰ-1 ਦੀ ਸਥਿਤੀ ਵੀ ਗੁਆ ਚੁੱਕੀ ਹੈ।ਇਸ ਹਾਰ ਤੋਂ ਬਾਅਦ ਕੀਵੀ ਟੀਮ ਦੂਜੇ ਸਥਾਨ ‘ਤੇ ਖਿਸਕ ਗਈ ਹੈ, ਜਦਕਿ ਭਾਰਤ ਸਿਖਰ ‘ਤੇ ਪਹੁੰਚ ਗਿਆ ਹੈ।
ਵੈਲਿੰਗਟਨ ਟੈਸਟ ਤੋਂ ਪਹਿਲਾਂ ਆਸਟਰੇਲੀਆ 75 ਫੀਸਦੀ ਅੰਕਾਂ ਨਾਲ ਡਬਲਯੂਟੀਸੀ ਅੰਕ ਸੂਚੀ ਵਿੱਚ ਪਹਿਲੇ ਸਥਾਨ ’ਤੇ ਸੀ ਜਦਕਿ ਭਾਰਤ 64.58 ਫੀਸਦੀ ਅੰਕਾਂ ਨਾਲ ਦੂਜੇ ਸਥਾਨ ’ਤੇ ਸੀ।ਇਸ ਹਾਰ ਤੋਂ ਬਾਅਦ ਨਿਊਜ਼ੀਲੈਂਡ ਦੇ ਖਾਤੇ ‘ਚ ਸਿਰਫ 60 ਫੀਸਦੀ ਅੰਕ ਬਚੇ ਹਨ, ਅਜਿਹੇ ‘ਚ ਭਾਰਤ ਨੇ ਨੰਬਰ-1 ਦਾ ਸਥਾਨ ਹਾਸਲ ਕਰ ਲਿਆ ਹੈ।ਇਸ ਜਿੱਤ ਤੋਂ ਬਾਅਦ ਆਸਟ੍ਰੇਲੀਆ 59.09 ਫੀਸਦੀ ਅੰਕਾਂ ਨਾਲ ਤੀਜੇ ਸਥਾਨ ‘ਤੇ ਬਰਕਰਾਰ ਹੈ।
ਇੰਗਲੈਂਡ ਖਿਲਾਫ ਮੌਜੂਦਾ ਸੀਰੀਜ਼ ‘ਚ ਭਾਰਤ ਦਾ ਪ੍ਰਦਰਸ਼ਨ ਕਾਫੀ ਸ਼ਾਨਦਾਰ ਰਿਹਾ ਹੈ।ਟੀਮ ਇੰਡੀਆ ਨੇ 5 ਮੈਚਾਂ ਦੀ ਇਸ ਸੀਰੀਜ਼ ‘ਚ ਪਹਿਲਾ ਮੈਚ ਹਾਰਨ ਦੇ ਬਾਵਜੂਦ 3-1 ਦੀ ਅਜੇਤੂ ਬੜ੍ਹਤ ਬਣਾ ਲਈ ਹੈ।ਇੰਗਲਿਸ਼ ਟੀਮ ਨੇ ਹੈਦਰਾਬਾਦ ਟੈਸਟ ਜਿੱਤ ਕੇ ਸੀਰੀਜ਼ ਦੀ ਸ਼ਾਨਦਾਰ ਸ਼ੁਰੂਆਤ ਕੀਤੀ, ਹਾਲਾਂਕਿ ਇਸ ਤੋਂ ਬਾਅਦ ਅਗਲੇ ਮੈਚਾਂ ‘ਚ ਉਹ ਆਪਣੇ ਪ੍ਰਦਰਸ਼ਨ ਨੂੰ ਨਹੀਂ ਦੁਹਰਾ ਸਕੀ।
